Auzarantz

Auzara igotzeko asmoa genuen eta Erratzura joan gara.

Gorostapalorako bidean ilargia ikusgai zen oraindik.

Eta atzean geratu da Erratzu, Gorramendik babestua.

Iñarbegiko bidetik Alkurruntz nabarmentzen da.

Udaberriak eztanda egin du. San Joxe loreak lekuko (Primaveras, Primula acaulis).

Sorginetxoa trikuharria.

 Iñarbegi atzean geratzen da bere berde iraingarriarekin.

Baina bide okerra hartu dugu eta aldapa nekeza igo eta gero beste baterako uztea erabaki dugu. Tontorra agurtzen dugu.

Hala ere bistak ederrak dira: Saioako mendilepoa (argazkian), Adi eta abar.

Eta beste aldetik Argarai-Adartza mendilerroa azaltzen da.

Itzultzeko Xorroxingo purrustaren kaltzada hartu dugu.

Bidean zehar txikoria belarrak daude (Diente de León, Taraxacum officinale). Emaztearen arabera bere haurtzaroan, Beasainen, flores del demonio deitzen zieten.

Ez gara Auzara igo baina goiz ederra eman dugu. Auza ez da mugituko eta gu itzuli egingo gara.

Ganbo Lizarrustitik

Zirkularra: Lizarrusti - Gaiñeta - Malkorri - Uarrain - Ganbo- Enirio - Lizarrusti

Ganbon egona naiz Larraitz eta Guardetxetik igota. Gaur beste bidetik joan nahi dut. Amezketa urrunago geratzen zaidanez, Lizarrusti aukeratu dut abiapuntu gisa.
Etxetik atera naiz ilargi oso eder batek babestua. Atzo eklipsatu omen zen baina ezin ikusi Euskalherritik. Lizarrustitik Lareora joan naiz eta, Eniriora heldu baino lehen median gora hasi naiz. Basotik joan naizen bitartean kukuaren txioak lagundu nau etengabe.
Trikuharri asko ikusten dira. Zearragoena adibidez. Hemen Uleagaoenetako bat. Arbasoek bazekiten non egin beraien megalitoak. Lehenengo planoan Akaitz Txiki eta Sarastarriko gandorra. Urrunago Lizarrusti eta Etxegarate lotzen duen mendikatea. Hondoan Urbasa.

Igoera gogorra eta gero Gaiñetara heldu naiz. Bidean sugetxo batek inguratuta zeukan sugandila bat baina ni ikustean ihes egin du, bere presa askatuz. Zoria bere alde izan du gaur sugandilak. Gaiñetatik ikusten dira hurrengo helburuak: Malkorri (aurrean, eskubian), Uarrain (erdian) eta Ganbo (erdian, hondoan).

Eta beste aldera begiratuta Txindoki atzetik ikusita. Paraje hauek euskal highlands dirudite.

Malkorri gainditu eta gero, Uarrainera heltzen naiz eta Ganbo agertzen da ene aurrean.

Ganbotik Pardarri eta Irumugarrieta ikusten dira.

Eta Malloak. Hauek ere atzetik.

 Ikusgai zabalak.

Gero jaisten hasi naiz. Isatsa loratu egin da eta horiz jantzi ditu larreak. Behean, erdian, Lareoko urtegia atzeman daiteke. Hortik pasatu behar dut Lizarrustirako bidean.

Igaratzatik Eniriora doan bidea aurkitu eta hortik Lareora eta Lizarrustira.

Mendaur Arantzatik

Gaur Bortziriak tokatzen dira.
Arantzatik atera gara hilerri ondoan ateratzen den bidetik. Berehala hasten da igotzen eta aurrera egin dugu marra zuri-horiei jarraituz. Herria behean gelditu da.

 Mendilepora helduta Baztan agertzen da gure aurrean, lainopean.

Ibiltzen garen heinean lainoa desagertzen joaten da eta guk pentsatzen dugu zein zorionekoak garen espektakulu hau etxetik hurbil izateagatik. Gozamen izugarria da hemendik ibiltzea!

Bustitzako leopoa gainditu eta gero Mendaurreko urtegia eta Malerreka agertzen dira gure aurrean.

Urrunean Malloak, Txindoki, Aitzgorri...

Sigi-saga ibili eta gero bukaerako eskailetara heldu gara.

 Eta Trinitateko baselizara eta tontorrera.

Hemendik dena ikusten da: Landak, Itsasoa, Igeldo, Aitzgorri, Aralar, Elamendi, Pirineoak, Saioa, Adi, Iparla, Gorramendi, Artzamendi, Larrun...

Eta Arantzara itzuli gara.